അമേരിക്കൻ ഇ -കോമേഴ്സ് ഭീമനായ ആമസോൺ പന്ത്രണ്ട് വർഷത്തെ ഇടവേളയ്ക്ക് ശേഷം പുതിയ സ്മാർട്ഫോൺ ഇറക്കാനുള്ള തയ്യാറെടുപ്പിലെന്ന് റിപ്പോർട്ട്. 2014 ഇൽ ആമസോൺ ഫയർ ഇറക്കിയ കമ്പനി പുതിയ സ്മാർട്ടഫോൺ അവതരിപ്പിക്കുവാനുള്ള നടപടികൾ തുടങ്ങിയെന്നാണ് വാർത്ത.പുതുതായി നിർമ്മിക്കപ്പെടുന്ന ഫോണിൽ ആമസോണിന്റെ വോയ്സ് അസിസ്റ്റന്റ് അലക്സ ഫീച്ചറും ഉൾപ്പെടുത്തിയിട്ടുണ്ടാകും. കൂടാതെ ഫോണിനകത്ത് തന്നെ നിർമ്മിത ബുദ്ധി (ആർട്ടിഫിഷ്യൽ ഇന്റലിജൻസ്) കഴിവുകളും ഉൾപ്പെടുത്തിയിട്ടുണ്ട്. ഭാരം കുറഞ്ഞ, മിനിമലിസ്റ് ചിന്താഗതികളോട് യോജിച്ചു പോകുന്ന ഫോൺ നിർമ്മിക്കുന്നത് ആമസോണിന്റെ ഉപകരണ യൂണിറ്റിലെ സീറോവൺ എന്ന ഒരു വർഷം പഴക്കമുള്ള ഗ്രൂപ്പാണ് എന്ന് റിപോർട്ടുകൾ സൂചിപ്പിക്കുന്നു. ആമസോണിന്റെ തന്നെ സേവനങ്ങളായ പ്രൈo വിഡിയോ , പ്രൈo മ്യൂസിക് എന്നീ മറ്റു ഫീച്ചറുകളും പുതിയ ഫോണിൽ ഉൾപ്പെടുത്തും.Also read: ഇതാണ് സമയം! സാംസങ് ഗാലക്സി S25 അൾട്രാ ഇപ്പോൾ വാങ്ങിയാൽ 20,000 രൂപയോളം ലാഭിക്കാംപുതിയ ഫോണിന്റെ വില, വിപണിയിലെത്തിക്കുന്ന തീയതി എന്നിവയെ പറ്റി യാതൊരു വ്യക്തതയും ഇപ്പോൾ ഇല്ല. എന്തായാലും ഒരു നീണ്ട ഇടവേളയ്ക്ക് ശേഷം ആമസോൺ സ്മാർട്ട്ഫോൺ വിപണിയിലേക്കെത്തുന്നത് വലിയ ചലനങ്ങൾക്ക് കാരണമായേക്കാം.The post ഒരു വ്യാഴവട്ടത്തിനു ശേഷം സ്വന്തം സ്മാർട്ട്ഫോൺ ഇറക്കാനൊരുങ്ങുന്നോ ആമസോൺ? appeared first on Kairali News | Kairali News Live.