പൂക്കോട്ടുംപാടം: ഭാര്യാപിതാവിനെ കാറിടിച്ച് കൊലപ്പെടുത്താന്‍ ശ്രമിച്ച കേസില്‍ യുവാവിനെ പൂക്കോട്ടുംപാടം പോലീസ് അറസ്റ്റ് ചെയ്തു. ഊര്‍ങ്ങാട്ടിരി മൈത്ര സ്വദേശി ചീരാന്‍തൊടിക അബ്ദുള്‍ സമദ് (38)നെയാണ് അറസ്റ്റ് ചെയ്തത്.ശനിയാഴ്ച വൈകിട്ട് 3.45ഓടെ കൂറ്റമ്പാറ രാമംകുത്ത് റോഡില്‍ ചേനാംപാടത്താണ് സംഭവം. കല്ലിങ്ങല്‍പൊയില്‍ റോഡിലൂടെ ബൈക്കില്‍ വരികയായിരുന്ന ഭാര്യാപിതാവിനെ മുന്‍ വിരോധത്താല്‍ അബ്ദുള്‍സമദ് ഓടിച്ച കാര്‍ ഇടിക്കുകയായിരുന്നു. ഇതേതുടര്‍ന്ന് ഇയാള്‍ ബൈക്കില്‍ നിന്ന് തെറിച്ച് വീഴുകയും ഉടനെ റോഡരികിലെ മതിലിനിടയിലാക്കി കാര്‍ ഉപയോഗിച്ച് ജാമാക്കുകയും ചെയ്തു. അബ്ദുസമദ് വീണ്ടും കാറടിപ്പിക്കാന്‍ ശ്രമിക്കുന്നത് കണ്ട് നാട്ടുകാര്‍ തടയുകയായിരുന്നു. ഭാര്യാപിതാവിന് കാലുകള്‍ക്ക് ചതവും മുറിവുകളുമടക്കംപരിക്കേറ്റിട്ടുണ്ട്.ഭാര്യ, തന്റെ വീട്ടില്‍ നില്‍ക്കാത്തത് ഭാര്യാപിതാവ് പറഞ്ഞിട്ടാണെന്ന വിരോധത്തിലാണ് ഇയാള്‍ കൊലപ്പെടുത്താന്‍ ശ്രമിച്ചതെന്നാണ് കേസ്. പൂക്കോട്ടുംപാടം എസ്‌ഐമാരായ ദിനേശ്കുമാര്‍, അബ്ദുള്‍ നാസര്‍, എഎസ്‌ഐ അനൂപ് മാത്യു, സിപിഒമാരായ സനൂപ്, സ്വരൂപ് എന്നിവര്‍ അന്വേഷണം നടത്തി പ്രതിയെ അറസ്റ്റ് ചെയ്തത്. ഇയാളെ പിന്നീട് കോടതിയില്‍ ഹാജരാക്കി.ദേശീയപാതയില്‍ സുരക്ഷാ മാനദണ്ഡങ്ങള്‍ കൃത്യമായി പാലിക്കണമെന്ന് ജില്ലാ വികസന സമിതി യോഗം