జబర్దస్త్ షోతో పాపులర్ అయ్యింది కాబట్టి.. జబర్దస్త్ అనసూయ అనేవారు. కానీ రంగస్థలం సినిమా తరువాత అనసూయ కాస్తా.. రంగమ్మత్తగా పాపులర్ అయ్యింది. అనసూయ కనిపిస్తే చాలు అదిగో అనేంతగా ఆ పాత్రను చెక్కారు క్రియేటివ్ దర్శకుడు సుకుమార్. రంగస్థలం సినిమాలో అనసూయ రంగమ్మత్తగా పవర్ ఫుల్ పాత్రలో నటించి మెప్పించింది. ఆ పాత్రలో ఒదిగిపోయి నటించింది కాబట్టే.. ఆమెకు అంత పేరు వచ్చింది ఆ సినిమాతో. ఒకరకంగా చెప్పాలంటే.. అనసూయ అంతకుముందు క్షణం లాంటి సినిమాల్లో నటించినా కూడా.. ‘రంగస్థలం’ రంగమ్మత్తగానే ఆమెకి ఎక్కువ పేరు వచ్చింది. అంత పేరు తీసుకుని వచ్చిన ఈ పాత్రను ముందుగా చేయాల్సింది సీనియర్ హీరోయిన్ అట. ఆమె రిజెక్ట్ చేయడంతోనే రంగమ్మత్త ఆఫర్ అనసూయ దగ్గరకు వెళ్లింది. తాజా ఇంటర్వ్యూలో హీరోయిన్ రాశి.. ఈవిషయాన్ని షేర్ చేసకున్నారు. ‘‘రంగస్థలంలో రంగమ్మత్త క్యారెక్టర్ కోసం సుకుమార్ సార్ పిలిచారు.. వెళ్లాను. నా ఫేస్ కాస్త సింపతీ ఫేస్.. నేను సినిమాల్లో ఏడుస్తుంటే చూసేవాళ్లు కూడా ఏడ్చేస్తుంటారు. అలాంటి ఫేస్ నాది. కానీ రంగమ్మత్త చాలా రగ్డ్ క్యారెక్టర్. కచ్చా వేసుకుని చాలా రగ్డ్‌గా ఉంటుంది ఆ పాత్ర. ఇంకోసీన్‌లో రామ్ చరణ్ బాటిల్‌ తాగేసి అక్కడ పెడితే.. దాంట్లో మిగిలిన దాన్ని ఓ సిప్ చేసి తాగేసి ఆ బాటిల్‌ని విసిరేసి వెళ్లిపోతుంది. అంత మాస్ క్యారెక్టర్ అది. ఆ సీన్లు నాతో చెప్పేసరికి.. సార్ ఆ సీన్లు నాకు కాస్త ఇబ్బందిగా ఉంటుందేమో సార్.. నాకున్న ఇమేజ్‌కి అలా తాగేసి వెళ్లిపోయే క్యారెక్టర్ అంటే జనం యాక్సెప్ట్ చేస్తారో లేదో అని చిన్న డౌట్ ఉండేది. అందుకే ఎందుకులే అనుకున్నా. ఆ సినిమా నేను చూశాను.. నాకేం అనిపించలేదు. అయ్యో నేనెందుకు చేయలేదూ అనేం బాధపడలేదు. రంగమ్మత్త క్యారెక్టర్‌లో అనసూయ బాగా చేసింది. ఆ పాత్ర ఆమెకి కరెక్ట్ అనిపించింది. ఎందుకంటే.. ఆ బాత్ రూంలో స్నానం చేసే సీన్లు నేను చేయలేను. నేను చేయాలనుకున్న క్యారెక్టర్ చేజారిపోతే అయ్యో అని బాధపడాలి. కానీ నేను వద్దనుకున్న క్యారెక్టర్ కోసం బాధపడితే ఏ ఉపయోగం. అందుకే బాధపడలేదు. ఆ క్యారెక్టర్ వద్దని అన్నప్పుడు.. క్లైమాక్స్‌లో సర్పంచ్ కూడా మీరే అవుతారు మేడమ్ అని స్టోరీ లైన్ కూడా చెప్పారు. బట్ నాకెందుకో ఆ పాత్రకి సూట్ అవ్వనని అనిపించింది. ఆ లుక్.. కొన్ని సీన్లు కాస్త ఇబ్బందిగా ఉన్నాయి అని సుకుమార్ సార్‌కి చెప్పాను. రంగమ్మత్తగా అనసూయ.. స్నానం చేస్తూ చీరకట్టుకుంటూ బయట చిట్టిబాబుతో మాట్లాడుతూ ఉంటారు. అవన్నీ నాకు కాస్త ఇబ్బందిగా అనిపించాయి. ఓ తల్లిగా ఆలోచించి నేను పాత్రను చేయనని చెప్పాను. దాన్ని ఆయన యాక్సెప్ట్ చేశారు. టీవీ షోలకు జడ్జీగా చేయాలని ఉంటుంది. నాకు డాన్స్ షోలంటే ఇష్టం. జబర్దస్త్ షో లాంటి షోకి జడ్జీగా చేయాలంటే.. మంచి కామెడీ హ్యూమర్ ఉండాలి. అలాగే సింగింగ్ షోకి నేను జడ్జీగా చేయలేను. ఎందుకంటే నేను సింగర్‌ని కాదు. డాన్స్ అయితే నాకు తెలుసు.. అన్ని డాన్స్‌లు చేయగలను.. మంచి డాన్సర్‌ని కాబట్టి నేను కూడా సలహాలు చెప్పగలను. డాన్స్ షోకి జడ్జీ అంటే.. డాన్స్ తెలిసి ఉండాలి కదా.. ఇప్పుడు రాధమ్మగారు జడ్జీగా చేస్తున్నారు. ఆమె పెద్ద డాన్సర్ కాబట్టి చేయగలుగుతున్నారు’ అంటూ చెప్పుకొచ్చింది రాశి.