Gold Price: మీరు బంగారం కొనాలనుకుంటున్నారా.. మరి రేట్లు ఎక్కడ ఎలా ఉన్నాయో తెలుసా. కచ్చితంగా తెలుసుకోవాలి. అసలే ఇప్పుడు పండగ సీజన్. కచ్చితంగా కొంతైనా బంగారం కొనుగోలు చేయాలని చూస్తుంటారు. ముఖ్యంగా భారతీయ మహిళలకు.. పండగలు, శుభకార్యాలు, ఇతర వేడుకల సమయాల్లో.. గోల్డ్ జువెల్లరీ ధరించాలని ఆసక్తి ఉంటుంది. ఇది వారి అందాన్ని మరింత పెంచుతుందని కూడా చెబుతుంటారు. అందుకే రేట్ల గురించి తెలుసుకోవాలి. అంతర్జాతీయంగా ఉద్రిక్తతలు సహా ఇతర కారణాల వల్ల కొంతకాలంగా పసిడి ధరలు చుక్కలు చూపిస్తున్నాయి. దీంతో కొనాలంటేనే జనం జడుసుకుంటున్నారు. సామాన్యులకు మరీ ఇబ్బందిగా మారింది. ఆల్ టైమ్ గరిష్ట స్థాయిల్లోనే ట్రేడవుతున్నాయి. ఇటీవల యూఎస్ ఫెడరల్ రిజర్వ్ కీలక వడ్డీ రేట్లు తగ్గించిన క్రమంలో.. పసిడికి డిమాండ్ మరింత పెరిగింది. దీంతో కనీవిని ఎరగని రీతిలో గోల్డ్ రేట్లు ఎగబాకాయి. సిల్వర్ రూ . 1.50 లక్షల మార్కు ఎప్పుడో దాటేసింది. ఇక గత 2 రోజుల్లో ప్రాఫిట్ బుకింగ్ నేపథ్యంలో తగ్గినట్లే అనిపించినా.. మరుసటి రోజే మళ్లీ షాకిచ్చాయి. ఇంటర్నేషనల్ మార్కెట్లో అదే విధంగా దేశీయంగా పసిడి ధరలు భారీగా ఎగబాకాయి.దేశీయంగా హైదరాబాద్ నగరంలో 22 క్యారెట్స్ పుత్తడి ధర ఒక్కరోజులో రూ. 400 పెరగ్గా తులం రూ. 1,05,300 వద్ద ఉంది. దీనికి ముందు వరుసగా రూ. 850, రూ. 300 చొప్పున తగ్గింది. ఇక 24 క్యారెట్ల ప్యూర్ గోల్డ్ రేటు తులానికి రూ. 440 పెరగడంతో ఇప్పుడు దీని ధర రూ. 1,14,880 కు చేరింది. ఇది గత 2 రోజుల్లో చూస్తే రూ. 930, రూ. 320 చొప్పున పతనమైంది. ఇదే సమయంలో వెండి ధరలు చూస్తే బంగారానికి మించి పెరుగుతుండటం గమనార్హం. ఇక్కడ ఒక్కరోజులోనే రూ. 3 వేలు పెరగడంతో ప్రస్తుతం కేజీకి రూ. 1.53 లక్షలు పలుకుతోంది. ఇక అంతర్జాతీయ మార్కెట్లో గరిష్ట స్థాయిల వద్ద హెచ్చుతగ్గులకు లోనవుతోంది. స్పాట్ గోల్డ్ రేటు ఔన్సుకు ఇటీవల 3800 డాలర్లకు సమీపంలోకి వెళ్లగా.. ప్రస్తుతం అది 3763 డాలర్ల వద్ద స్థిరంగా ఉంది. ఇక సిల్వర్ రేటు అంతకంతకూ పెరుగుతూ పోతూనే ఉంది. ఇది రికార్డు స్థాయిలో 46 డాలర్ల మార్కును అధిగమించింది. ఇక డాలర్ పుంజుకుంటుండటం కారణంగా.. రూపాయి భారీగా పడిపోతోంది. ప్రస్తుతం డాలరుతో పోలిస్తే రూపాయి మారకం విలువ రూ. 88.840 వద్ద ఉంది. బంగారం, వెండి రేట్లు ప్రాంతాల్ని బట్టి మారుతుంటాయని గుర్తుంచుకోవాలి. దీనికి ఎన్నో కారణాలు దోహదం చేస్తాయి. షిప్పింగ్ కాస్ట్స్, స్థానిక పన్నులు, షాపుల్ని బట్టి కూడా ధరలు వేర్వేరుగా ఉంటాయని గమనించాలి.