టీమిండియా స్పెషల్ ఆల్‌రౌండర్ ఇంజ్యూరీ అప్డేట్ ఫ్యాన్స్‌ను కలవరపెడుతోంది. లో భారత్ ఓపెనింగ్ బౌలర్‌గా రాణిస్తున్న హార్దిక్ గాయం ఇప్పుడు టెన్షన్ పెడుతోంది. లో హార్దిక్ అర్ధంతరంగా గ్రౌండ్‌ను వదిలేసి వెళ్లాడు. ఫస్ట్ ఓవర్ వేసిన పాండ్యా.. ఆ తర్వాత ఆఖరి ఓవర్ వరకూ మ్యాచ్‌లో కనిపించలేదు. దాంతో పాటు కూడా 9వ ఓవర్ నుంచి బయటకు వెళ్లాడు. ఇప్పుడు ఈ ఇద్దరి ఆటగాళ్ల పరిస్థితి ఏంటంటూ భారత జట్టు అభిమానులు టెన్షన్‌లో మునిగిపోయారు. శ్రీలంకతో జరిగిన మ్యాచ్‌లో హార్దిక్ పాండ్యా బ్యాటింగ్‌లో విఫలమైనా.. బౌలింగ్ రాణించాడు. మిడిలార్డర్‌లో బ్యాటింగ్‌కి వచ్చిన పాండ్యా కేవలం మూడు బంతులే ఆడి రెండు పరుగులు చేసి పెవిలియన్ బాట పట్టాడు. అయితే, బౌలింగ్‌లో మాత్రం మొదటి ఓవర్‌లోనే కుశాల్ మెండీస్‌ను గోల్డెన్ డకౌట్ చేసి టీమిండియాకు శుభారంభం అందించాడు. తొలి ఓవర్‌లో కేవలం ఏడు పరుగులు మాత్రమే ఇచ్చి ఒక వికెట్ కూడా తీసుకున్నాడు. అయితే, తొలి ఓవర్ తర్వాత నుంచి హార్దిక్ పాండ్యా అస్సలు గ్రౌండ్‌లోనే కనిపించలేదు. నాలుగో బంతికే మెండిస్‌ను అవుట్ చేయగా.. ఆ తర్వాత నుంచి ఎడమ తొడ కండరాలు పట్టేయడంతో పాండ్యా ఇబ్బంది పడ్డాడు. అయినా.. ఆ రెండు బంతులు ఎలాగొలా వేశాడు. కానీ.. ఆ తర్వాత పాండ్యాకు తన తొడ కండరాలు సహకరించలేదు. దాంతో వెంటనే ఫిజియోను పిలిపించుకుని డగౌట్‌కి వెళ్లాడు. మ్యాచ్ అనంతరం టీమిండియా బౌలింగ్ కోచ్ మోర్నీ మోర్కెల్ హార్దిక్ పాండ్యా పరిస్థితిని వివరించాడు. హార్దిక్‌కు తొడ కండరాలు పట్టేశాయని చెప్పిన మోర్కెల్.. నిన్న రాత్రి, ఇవాళ ఉదయం తర్వాత పరిశీలించి ఫైనల్ మ్యాచ్‌కు అందుబాటులో ఉంటాడో లేదో నిర్ణయం తీసుకుంటామని స్పష్టం చేశాడు. కండరాలు పట్టేసిన వెంటనే ఐ ప్యాక్ థెరపీ కూడా ఇచ్చినట్లు ఆయన చెప్పాడు. టీమిండియా సూపర్ స్టార్ అభిషేక్ శర్మ కూడా తొమ్మిదో ఓవర్‌లో బంతి కోసం పరిగెత్తే సమయంలో అసౌకర్యానికి గురయ్యాడు. కుడి తొడ భాగంలో కండరం పట్టేడంతో ఆ తర్వాతి ఓవర్ నుంచి మైదానం వదిలేడు. అయితే, అభిషేక్‌ది పెద్ద సమస్య కాదని, ఫిట్‌గా ఉన్నాడని మోర్కెల్ క్లారిటీ ఇచ్చాడు. "మ్యాచ్ తర్వాత ఇద్దరికీ ఐస్ ప్యాక్స్, పికిల్ జ్యూస్‌తో చికిత్స అందించాం. కండరాలు పట్టేయడంతోనే ఇబ్బంది పడ్డారు. సెప్టెంబర్ 27 శనివారం రోజు ఎలాంటి ప్రాక్టీస్ సెషన్లు ఉండవు. ప్లేయర్లంతా విశ్రాంతి తీసుకుంటారు. పూల్ సెషన్స్, మసాజ్‌లు మాత్రమే ఉంటాయి. ఆదివారం జరిగే ఫైనల్‌కు మానసికంగా, శారీరకంగా రిఫ్రెష్ అవ్వాలని మేం కోరుకుంటున్నాం" అని మోర్నీ మోర్కెల్ చెప్పాడు.