نیویارک: روسی وزیر خارجہ سرگئی لاروف نے کہا ہے کہ غزہ میں جو کچھ ہو رہا ہے وہ ناقابل قبول ہے، فلسطینیوں کے قتل کا کوئی جواز نہیں۔تفصیلات کے مطابق روسی وزیرخارجہ سرگئی لاروف نے اقوام متحدہ جنرل اسمبلی سے خطاب کرتے ہوئے کہا کہ فلسطینیوں کے قتل یا مغربی کنارے کے الحاق کا کوئی جواز نہیں، اسرائیل مشرق وسطیٰ کے حالات خراب کرنے کی کوشش کررہا ہے۔روسی وزیر خارجہ نے کہا کہ کیوبا پر 60 سال پرانی پابندی اٹھانے کا مطالبہ کرتے ہیں، ایران پر دوبارہ پابندیاں لگانے کی مغربی کوششیں غیرقانونی ہیں۔سرگئی لاروف نے کہا کہ یوکرین کیلئے سلامتی کی ضمانتوں پر بات کرنے کو تیار ہیں، روس مذاکرات کے لیے تیار ہے۔انھوں نے کہا کہ ہم وینزویلا کے ساتھ کھڑے ہیں، روس پر کسی بھی حملے کا فیصلہ کن جواب دیا جائے گا، نیٹو کو اس کا احساس کرنا چاہیے۔روسی وزیر خارجہ سرگئی لاروف نے کہا کہ روس پر نیٹو، یورپی یونین پر حملے کی منصوبہ بندی کا الزام ہے، روسی صدر پیوٹن ایسی اشتعال انگیزیوں کو مسترد کرتے ہیں۔حماس نے غزہ میں منظر سے خارج ہونے سے انکار کر دیا