(28 ستمبر 2025): بیرون ممالک میں سکھوں کو نشانہ بنانے کیلئے "را” کے مجرمانہ نیٹ ورکس بے نقاب ہوگئے۔ تفصیلات کے مطابق انتہا پسند مودی کی ریاستی سرپرستی میں عالمی سطح پردہشت گردی کے شواہد سامنے آ گئے، مودی سرکار بھارت سمیت دنیا بھر میں ریاستی سرپرستی میں سکھوں کے قتل میں مصروف ہے۔عالمی جریدے بلوم برگ کے مطابق فیڈرل کورٹ نیویارک میں استغاثہ نے شواہد کی بنیاد پر دستاویزات جمع کروائی ہیں، استغاثہ کے مطابق امریکا میں گرپتونت سنگھ پنوں کے قتل کے منصوبے میں بھارتی حکومتی اہلکار ملوث تھا محکمہ انصاف نے گزشتہ سال بھارتی شہری نکھل گپتا پر گرپتونت سنگھ پنوں کے قتل کی کوشش کا الزام لگایا تھا۔نکھل گپتا کو یہ احکامات ہندوستان کی انٹیلی جنس ایجنسی "را”کے افسر وکاش یادیو نے دیے، نکھل گپتا کو جون 2023 میں جمہوریہ چیک میں گرفتار کر کے امریکہ کے حوالے کیا گیا تھا۔امریکی استغاثہ نے دونوں افراد کو ہردیپ سنگھ نجار کے قتل سے بھی جوڑا جسے کینیڈا میں قتل کیا گیا تھا، ہردیپ سنگھ نجار اور گرپتونت سنگھ پنوں خالصتان کے حصول کیلئے ساتھی اور مودی کے سخت مخالف تھے۔رپورٹ کے مطابق امریکی پراسیکیوٹرز کا خیال ہے کہ مبینہ طور پر کرایہ پر قتل کی اسکیم کا دائرہ پہلے سے زیادہ وسیع تھا ،استغاثہ کے مطابق بھارتی ایجنٹ نے نیپال یا پاکستان میں بھی قتل کی منصوبہ بندی کی، استغاثہ نے گپتا اور یادو میں بات چیت کی چھان بین سے وسیع تر سازش کی معلومات اکٹھی کیں۔بلوم برگ دی وائر نے مقدمے کے حوالے سے لکھا کہ 22 جون 2023 کو واٹس ایپ پیغامات میں، وکاش یادیو نے "اسالٹ رائفلیں اور پستول” فراہم کرنے کا وعدہ کیا۔دی وائر کے مطابق”را "کے سابق افسر نے ہندوستان سے ہتھیاروں کی نقل و حمل کیلئے ہوائی جہاز کے کلیئرنس کا بندوبست کرنے کا وعدہ کیا، گپتا کو سکھ فار جسٹس کے گرپتونت سنگھ پنوں کے قتل کی سازش میں مقدمے کا سامنا ہے۔بھارت سکھوں کے خلاف ریاستی سر پرستی میں دہشت گردی کو بطور پالیسی استعمال کرتا ہےمودی کی سرپرستی میں دہشت گرد ریاست بھارت کا نام نہاد جمہوری چہرہ دنیا میں عیاں ہو چکا ہے۔