బిగ్‌బాస్ మొదటి వారంలో ఒకే ఒక్క గుడ్డు కొట్టేసి హౌస్ మొత్తాన్ని పరుగులు పెట్టించింది సంజన. ఆ తర్వాత రెండు వారాలు కాస్త సైలెంట్‌గానే ఉన్న సంజనని మిడ్ వీక్ ఎలిమినేషన్ అంటూ సీక్రెట్ రూమ్‌కి పంపించి శనివారం ఎపిసోడ్‌లో తిరిగి హౌస్‌కి పంపించేశారు. అయితే సంజన హౌస్‌లోకి రావడానికి నలుగురు త్యాగాలు చేసిన సంగతి తెలిసిందే. ఇమ్మానుయేల్ కెప్టెన్సీని, తనూజ కాఫీని, రీతూ చౌదరి హెయిర్‌ని, భరణి తన తల్లి గుర్తుగా తెచ్చుకున్నబాక్స్‌ని త్యాగం చేశారు.ఇక వీరి త్యాగాలకి ఎమోషనల్ అయిన సంజన హౌస్‌లో ఉన్నంతవరకూ మీ నలుగుర్నీ సతాయించను అంటూ మాట ఇచ్చింది. అయితే లేటెస్ట్ ఎపిసోడ్ ప్రోమోలో తనూజతో సంజన గొడవపెట్టుకుంది. కిచెన్‌లోకి వెళ్లి సంజన ఏదో చెప్పడంతో ఇంతలో తనూజ అక్కడికి వచ్చింది. కుక్స్ మా వల్ల అవ్వదు చేయలేమని చెప్పట్లేదు.. నన్ను అడగమని అంటున్నారు.. అని తనూజ చెప్పింది.తనూజ Vs సంజనదీనికి నేను మాట్లాడుతున్నది లోపలకి వచ్చి నీ దగ్గర పర్మిషన్ తీసుకున్నది ప్లెయిన్ పోపు కోసం.. అంటూ సంజన బదులిచ్చింది. దీంతో సంజన గారు నా డిపార్ట్‌మెంట్ నాకు వదిలేస్తారా.. అంటూ తనూజ కాస్త చిరాకు పడింది. కానీ సంజన అక్కడున్న ప్యాకెట్లు అన్నీ తీసి చూపిస్తూ నాకు సింపుల్ పోపు కావాలి.. అంటూ మళ్లీ అదే రిపీట్ చేసింది. నా ప్లేస్‌కి వచ్చి వాయిస్ రెయిజ్ చేయకండి.. ఏదైనా అడ్జస్ట్ చేయాలన్నా కూడా వాళ్లు చేస్తున్నారు.. అని తనూజ వివరించింది.ఇంతలో వంట చేస్తున్న దివ్య రియాక్ట్ అయింది. కుకింగ్ నేను కదా నాకు చెప్పాలి కదా.. శ్రీజని పిలిపించి నేను చేయిస్తానని చెబుతున్నారు.. అంటూ దివ్య కంప్లెయింట్ చేసింది. శ్రీజ ఎందుకు ఇన్వాల్వ్ అవుతుంది.. అని తనూజ షాకైతే ఆవిడ్ని అడగండి.. అంటూ దివ్య చెప్పింది. ఇక ఈ డిస్కషన్ చూసి చిరాకుపడిన సంజన.. లేదురా నాకు వద్దు నాకు బ్రేక్‌ఫాస్ట్‌యే వద్దు.. వచ్చి పర్మిషన్ అడిగాను తనూజ నేను నీకు.. నేనేం డైరెక్ట్‌గా వచ్చి చెప్పలేదు.. తిన్నదానికి ఏంటి భిక్షేయాలా.. అంటూ సంజన ఫైర్ అయి లోపలికి వెళ్లిపోయింది.ఇక తన దగ్గరికి వచ్చిన డీమాన్‌తో మీరు కూడా ఒక కెప్టెన్ కదండీ.. మాట్లాడాలి కదా అంటూ సంజన అడిగింది. అక్కడ క్వాంటిటీ ఏది ఉంది అవన్నీ చూసుకోవాల్సింది తను నేను కాదు.. అంటూ డీమాన్ అన్నాడు. గేమ్‌లో బిగ్‌బాస్ కంటే పెద్ద డెసిషన్ మీరు తీసుకుంటారండీ.. మమ్మల్ని జైల్లో వేయడానికి.. ఒక చిన్న పోపు విషయంలో డెసిషన్ మీరు తీసుకోలేరా.. అంటూ సంజన ఫైర్ అయింది.ఇంతలో తనూజ వచ్చి ఫుడ్ విషయానికొస్తే నాకు షుగర్‌తో కావాలి.. అని అడుగుతారు అంటూ సంజన గురించి మాట్లాడింది. ఎప్పుడూ కాదనుకుండా పెట్టాం.. అని డీమాన్ కూడా మాట్లాడుతుంటే నన్ను మాట్లాడనివ్వు.. అంటూ తనూజ ఫైర్ అయింది. ఒక స్పూన్ షుగర్ తీసుకున్నా కూడా మీరు చూపిస్తున్నారా.. షుగర్ ఇచ్చారని.. అంటూ సంజన వాదించింది. ఇదేమైనా నా ఇల్లో మీ ఇల్లో అయితే మీరు అడిగినంత.. అని తనూజ ఏదో చెబుతుంటే హే ఆగొచ్చు కదా.. అంటూ భరణి ఇద్దరి మీదా కోపపడ్డాడు. చివరికి దండాలండీ అడిగేశాను మీకు.. అంటూ డీమాన్‌కి దండం పెట్టి సంజన వెళ్లిపోయింది.