ఇంజనీరింగ్ అద్భుతాలను సృష్టించే.. మరో అరుదైన మైలురాయిని అందుకుంది. ప్రపంచంలోనే అతి ఎత్తైన బ్రిడ్జిని వాహనదారులకు అందుబాటులోకి తీసుకువచ్చింది. చైనాలోని గుయిజౌ ప్రావిన్స్‌లో నిర్మించిన ఈ బ్రిడ్జిని ఆదివారం (సెప్టెంబర్ 28వ తేదీ) అధికారికంగా ప్రజల కోసం ప్రారంభించారు. దీనికి అని పేరు పెట్టారు. ఇక ఈ బ్రిడ్జి ఎన్నో రికార్డులను సొంతం చేసుకుంది. ప్రపంచంలోనే అత్యంత ఎత్తైన బ్రిడ్జిగా హువాజియాంగ్ గ్రాండ్ కాన్యన్ బ్రిడ్జ్ రికార్డుల్లోకి ఎక్కింది. అదే సమయంలో రవాణా రంగంలో కూడా సరికొత్త విప్లవాన్ని తీసుకువచ్చింది. ఈ వంతెన లోయ నుంచి 625 మీటర్ల ఎత్తులో నిర్మించారు. ఇది ప్రపంచంలోనే అత్యంత ఎత్తైన వంతెనగా రికార్డు సృష్టించింది. ఇప్పటివరకు కొండ ప్రాంతాల్లో నిర్మించిన బ్రిడ్జిల్లో అతి పెద్ద స్పాన్ కలిగిన వంతెనగా కూడా ఇది రికార్డుల్లోకి ఎక్కింది. ఈ వంతెన గుయిజౌలోని కఠినమైన కొండ ప్రాంతాల్లో ప్రయాణంలో విప్లవాత్మకంగా మార్పులను తీసుకువచ్చింది. హువాజియాంగ్ గ్రాండ్ కాన్యన్‌ బ్రిడ్జికి రెండు వైపులా ఉన్న ప్రాంతాల మధ్య ప్రయాణ సమయాన్ని రెండు గంటల నుంచి కేవలం రెండు నిమిషాలకు తగ్గించడం విశేషం.హువాజియాంగ్ గ్రాండ్ కాన్యన్‌ బ్రిడ్జి ప్రత్యేకతల్లో ప్రధానమైంది దాని పొడవు. మొత్తం 2,900 మీటర్ల పొడవు ఉన్న ఈ బ్రిడ్జిలో ప్రధాన స్పాన్ పొడవు 1,420 మీటర్లు. ఇక ఇది లోయ అడుగు నుంచి 625 మీటర్ల ఎత్తులో ఉంది. ఈ బ్రిడ్జిని ప్రారంభించడానికి ముందు దాని భద్రతను నిర్ధారించడానికి.. 96 ట్రక్కులతో లోడ్ టెస్ట్ నిర్వహించగా ఎలాంటి మార్పులు కనిపించలేదు. ఇక ఈ వంతెనపై చిన్నపాటి కదలికలను కూడా పర్యవేక్షించడానికి 400 కంటే ఎక్కువ సెన్సార్లను ఉపయోగించారు.హువాజియాంగ్ బ్రిడ్జి కేవలం రవాణా కేంద్రంగానే కాకుండా.. పర్యాటకంగా కూడా టూరిస్ట్‌లను ఆకర్షించే ప్రాంతంగా మారుతోంది. ఇందులో 207 మీటర్ల ఎలివేటర్, స్కై కేఫ్‌లు, లోయకు సంబంధించిన అద్భుతమైన దృశ్యాలను వీక్షించడానికి వ్యూ ప్లాట్‌ఫారమ్‌లను ఏర్పాటు చేశారు. వంతెన నిర్మాణ సమయంలో వాలు స్థిరీకరణ, బలమైన గాలుల నిర్వహణ, భారీ కాంక్రీట్ పోసేటపుడు ఉష్ణోగ్రతలను నియంత్రించడం వంటి అనేక సవాళ్లను ఎదుర్కొన్నామని.. ఈ బ్రిడ్జి ప్రాజెక్ట్ మేనేజర్ వు ఝావోమింగ్ తెలిపారు. ఈ విజయంతో ప్రపంచంలోని టాప్-10 ఎత్తైన వంతెనల్లో 8 వంతెనలు గుయిజౌ ప్రావిన్స్‌లోనే ఉండటం గమనార్హం.