O Concello de Pontevedra iniciou hoxe luns o peche dun carril na rúa Eduardo Pondal á altura do número 64. A medida vai manterse ata o próximo mércores 2 de outubro, día en que está prevista a apertura, debido a traballos de canalización. A afección prodúcese nunha das arteiras de maior tráfico da cidade, no tramo comprendido entre a rotonda con saída cara á rúa 12 de novembro e a rotonda que conecta coa rúa Teixoeira. Valado para impedir o tráfico nun carril de Eduardo PondalPontevedraViva Segundo informa o Concello de Pontevedra, durante estes catro días de obras, o carril de saída da cidade cara á estación de autobuses permanecerá operativo, mentres que o tráfico de entrada á cidade quedará desviado pola rúa Teixoeira. A intervención municipal busca mellorar as infraestruturas de canalización nunha zona de alta densidade circulatoria, polo que se recomenda aos condutores que planifiquen rutas alternativas para evitar retencións. Corte previsto do carril en Eduardo PondalConcello de Pontevedra