പൂർണചന്ദ്രഗ്രഹണ സമയത്ത് ചന്ദ്രൻ രക്തം പോലെ ചുവന്ന് കാണപ്പെടുന്ന പ്രതിഭാസത്തെയാണ് ബ്ലഡ് മൂൺ എന്നറിയപ്പെടുന്നത്. ചന്ദ്രനും സൂര്യനും ഇടയിൽ ഭൂമിയുടെ സ്ഥാനം ക‍ത്യമായി വരുമ്പോൾ ഭൂമിയുടെ അന്തരീക്ഷത്തിലൂടെ കടന്ന് പോകുന്ന തരംഗ ദൈർഘ്യം കുറഞ്ഞ നീല പ്രകാശം ചിതറി പോകുകയും, തരംഗ ദൈർഘ്യം കൂടിയ ചുവന്ന പ്രകാശം ചന്ദ്രനിൽ പതിക്കുന്നതിലൂടെയുമാണ് ബ്ലഡ് മൂൺ ദൃശ്യമാകുന്നത്.ഇന്ത്യയിൽ വൈകുന്നേരം ചന്ദ്രൻ ഉദിക്കുന്ന സമയത്ത് കുറച്ച് സമയം ബ്ലഡ് മൂൺ കാണാൻ കഴിയും. കേരളത്തിൽ വൈകുന്നേരം 6.30 മുതൽ 7.53 വരെ ഈ പ്രതിഭാസം കാണാൻ കഴിയും. ചന്ദ്രഗ്രഹണം നഗ്നനേത്രങ്ങൾ കൊണ്ടു കാണാൻ കഴിയും. എന്നാൽ ബൈനോക്കുലർ ഉപയോഗിക്കുകയാണെങ്കിൽ ചന്ദ്രോപരിതലത്തിലെ ഗർത്തങ്ങൾ നിഴലുകളിലൂടെ കടന്നു പോകുന്ന കാഴ്ച്ച കാണാൻ കഴിയും. ന്യൂഡൽഹിയിൽ പൂർണഗ്രഹണം വൈകുന്നേരം 5.21മുതൽ 6.23 വരെ കാണാൻ കഴിയും.The post ബ്ലഡ് മൂൺ മാർച്ച് മൂന്നിന്; എപ്പോൾ, എങ്ങനെ, എത്ര നേരം കാണാം എന്ന് അറിയണ്ടേ appeared first on Kairali News | Kairali News Live.