തമിഴ് നടനും ടിവികെ അധ്യക്ഷനുമായ വിജയ്യിയെ ഇൻസ്റ്റഗ്രാമിൽ അൺഫോളോ ചെയ്ത് മകൻ ജേസൺ സഞ്ജയ്. വിജയ്യിയുടെ ജീവിത പങ്കാളി സംഗീത വിവാഹമോചനത്തിന് അപേക്ഷ നൽകിയതിന് പിന്നാലെയാണ് ജേസൺ പിതാവിനെ അൺഫോളോ ചെയ്തതെന്നാണ് റിപ്പോർട്ടുകൾ.ഇവരുടെ വിവാഹമോചനം സംബന്ധിച്ച വാർത്തകൾ പുറത്തുവന്നതോടെയാണ് 25 വയസ്സുള്ള ജേസണിന്റെ അക്കൗണ്ടിലേക്ക് നെറ്റിസൺസ് എത്തിയത്. അനുരാഗ് കശ്യപ്, ഫർഹാൻ അക്തർ തുടങ്ങിയ പ്രശസ്ത ഇന്ത്യൻ ചലച്ചിത്ര നിർമ്മാതാക്കൾ ഉൾപ്പെടെ 38 പേരെ ഇൻസ്റ്റാഗ്രാമിൽ ജേസൺ ഫോളോ ചെയ്യുന്നുണ്ടെങ്കിലും, പിതാവിന്റെ അക്കൗണ്ട് പട്ടികയിൽ നിന്ന് അപ്രത്യക്ഷമായതായി ഇവർ കണ്ടെത്തി. ALSO READ: ‘കാരണമില്ലാതെ അടിച്ചു, ചവിട്ടി, ഇപ്പോൾ ഇതൊക്കെ പറയുന്നത് വിഷമം കൊണ്ടാണ്’; വിജയിക്കെതിരെ ഗുരുതര ആരോപണവുമായി മുൻ സഹായിജേസന്റെ ഈ നീക്കം കുടുംബത്തിലെ പ്രശ്നങ്ങളെക്കുറിച്ചുള്ള അഭ്യൂഹങ്ങൾക്കും തിരികൊളുത്തിയിട്ടുണ്ട്. ചിലർ അതിനെ തന്റെ അമ്മയ്ക്കുള്ള അദ്ദേഹത്തിന്റെ പിന്തുണയായും വ്യാഖ്യാനിച്ചു. മറുവശത്ത്, വിജയ്യുടെ അക്കൗണ്ട് ജേസൺ നേരത്തെയും ഫോളോ ചെയ്തിട്ടുണ്ടാകില്ലെന്ന് നിരവധി സോഷ്യൽ മീഡിയ ഉപയോക്താക്കൾ വാദിക്കുന്നുണ്ട്. അതേസമയം നടൻ വിജയിക്കെതിരെ വിവാഹേതര ബന്ധമടക്കം ആരോപിച്ചാണ് സംഗീത ചെങ്കൽപ്പേട്ട് കുടുംബ കോടതിയിൽ വിവാഹമോചന ഹർജി സമർപ്പിച്ചത്. ഏപ്രിൽ 20ന് നേരിട്ട് ഹാജരാകാൻ വിജയ്ക്ക് കോടതി നോട്ടീസ് അയച്ചിട്ടുണ്ട്.The post വിജയ്യിയെ ഇൻസ്റ്റഗ്രാമിൽ അൺഫോളോ ചെയ്ത് മകൻ ജേസൺ സഞ്ജയ് appeared first on Kairali News | Kairali News Live.