കൊല്ക്കത്ത | സഞ്ജു സാംസണ് തുറന്നിട്ട റിയല് കേരളാ സ്റ്റോറിയില് ഇന്ത്യ ടി20 ലോകകപ്പിന്റെ സെമി ഫൈനലില്. സൂപ്പര് എട്ടില് നിര്ണായക മത്സരത്തില് വെസ്റ്റ് ഇന്ഡീസിനെ അഞ്ച് വിക്കറ്റിന് തോല്പ്പിച്ചാണ് ഇന്ത്യ അവസാന നാലിലെത്തുന്നത്.സഞ്ജുവിന്റെ (50 പന്തില് പുറത്താവാതെ 97) ഇന്നിംഗ്സാണ് ഇന്ത്യയെ വിജയത്തിലേക്ക് നയിച്ചത്.ഇംഗ്ലണ്ടാണ് സെമിയില് ഇന്ത്യയുടെ എതിരാളി. കൊല്ക്കത്ത, ഈഡന് ഗാര്ഡന്സില് ടോസ് നഷ്ടപ്പെട്ട് ബാറ്റിംഗിനെത്തിയ വിന്ഡീസ് നിശ്ചിത ഓവറില് നാല് വിക്കറ്റ് നഷ്ടത്തില് 195 റണ്സാണ് നേടിയത്.25 പന്തില് 40 റണ്സ് നേടിയ റോസ്റ്റണ് ചേസാണ് വിന്ഡീസിന്റെ ടോപ് സ്കോറര്. ഇന്ത്യക്ക് വേണ്ടി ജസ്പ്രിത് ബുമ്ര രണ്ട് വിക്കറ്റ് വീഴ്ത്തി. മറുപടി ബാറ്റിംഗില് ഇന്ത്യ 19.2 ഓവറില് അഞ്ച് വിക്കറ്റ് നഷ്ടത്തില് ലക്ഷ്യം മറികടന്നു.