തിരക്ക് പിടിച്ചുള്ള ഓട്ടങ്ങൾക്ക് ഇടയിൽ കയ്യിൽ നിന്നും പലതും പലർക്കും നഷ്ടമാകാറുണ്ട്. അല്ലെങ്കിൽ ഇതൊന്നും സൂക്ഷിച്ച് കൊണ്ട് നടക്കാൻ അറിയാത്തവരുണ്ട്. പലരുടെയും കയ്യിൽ നിന്നും അത്തരത്തിൽ കാണാതായ വസ്തുക്കളിൽ ഒന്നാണ് എടിഎം കാർഡ്. എന്നാൽ സംഭവം കൈയിൽ നിന്നും നഷ്ടപ്പെടുന്നത് പലരിലും വലിയ ആശങ്കയും പരിഭ്രാന്തിയും ഉണ്ടാക്കുന്ന കാര്യമാണ്. ബാങ്ക് അക്കൗണ്ടുമായി നേരിട്ട് ബന്ധമുള്ളതിനാൽ കാർഡ് തെറ്റായ കൈകളിൽ എത്തിയാൽ വലിയ സാമ്പത്തിക നഷ്ടത്തിന് ഇടയാക്കാം എന്നാണ് അതിനുള്ള കാരണം. പ്രത്യേകിച്ച് ഇന്നത്തെ ഡിജിറ്റൽ കാലത്ത് എടിഎം വഴി പണം പിൻവലിക്കാൻ മാത്രമല്ല, ഓൺലൈൻ ഇടപാടുകൾ നടത്താനും എളുപ്പമാണ്. അതിനാൽ കാർഡ് നഷ്ടപ്പെട്ടാൽ ഉടൻ തന്നെ അത് ബ്ലോക്ക് ചെയ്യേണ്ടത് അനിവാര്യമാണ്.ALSO READ: സന്ദേശങ്ങൾ ഇനി ഒളിപ്പിക്കാം: ഹൈഡ് ഫീച്ചറുമായി വാട്സാപ്പ്കാർഡ് ബ്ലോക്ക് ചെയ്യാൻ ഈ നാല് വഴികൾ ഉപയോഗിക്കാം:മൊബൈൽ/ഇന്റർനെറ്റ് ബാങ്കിംഗ്: ഇതാണ് ഏറ്റവും വേഗതയേറിയതും സൗകര്യപ്രദവുമായ മാർഗ്ഗം. ബാങ്കിന്റെ ആപ്പിലോ വെബ്സൈറ്റിലോ ലോഗിൻ ചെയ്ത് ‘കാർഡ് സർവീസ്’ (Card Service) അല്ലെങ്കിൽ ‘ബ്ലോക്ക് കാർഡ്’ (Block Card) ഓപ്ഷൻ തിരഞ്ഞെടുത്ത് മിനിറ്റുകൾക്കുള്ളിൽ കാർഡ് ബ്ലോക്ക് ചെയ്യാം.എസ്എംഎസ് (SMS) വഴി: നിങ്ങളുടെ മൊബൈൽ നമ്പർ ബാങ്കിൽ രജിസ്റ്റർ ചെയ്തിട്ടുണ്ടെങ്കിൽ, ബാങ്ക് നൽകിയിട്ടുള്ള പ്രത്യേക ഫോർമാറ്റിൽ സന്ദേശം അയച്ചും കാർഡ് ബ്ലോക്ക് ചെയ്യാവുന്നതാണ്. ഇത് വിജയകരമായാൽ ഉടൻ തന്നെ നിങ്ങൾക്ക് സ്ഥിരീകരണ സന്ദേശം ലഭിക്കും.കസ്റ്റമർ കെയർ: ബാങ്കിന്റെ ഔദ്യോഗിക ടോൾ ഫ്രീ നമ്പറിൽ വിളിച്ച് വിവരങ്ങൾ അറിയിക്കാം. നിങ്ങളുടെ ഐഡന്റിറ്റി പരിശോധിച്ചുറപ്പിച്ച ശേഷം ബാങ്ക് ഉദ്യോഗസ്ഥർ കാർഡ് ഉടൻ ബ്ലോക്ക് ചെയ്യുന്നതാണ്. പാസ്ബുക്കിലോ ബാങ്കിന്റെ ഔദ്യോഗിക വെബ്സൈറ്റിലോ ഉള്ള നമ്പറുകളിൽ മാത്രം വിളിക്കാൻ ശ്രദ്ധിക്കുക.ബാങ്ക് ശാഖ സന്ദർശിക്കുക: ഫോണോ ഇന്റർനെറ്റോ ലഭ്യമല്ലാത്ത സാഹചര്യമാണെങ്കിൽ അടുത്തുള്ള ബാങ്ക് ശാഖയിൽ നേരിട്ടെത്തി തിരിച്ചറിയൽ രേഖകൾ നൽകി കാർഡ് ബ്ലോക്ക് ചെയ്യാൻ സഹായം തേടാം.പഴയ കാർഡ് ബ്ലോക്ക് ചെയ്ത ശേഷം നിങ്ങൾക്ക് പുതിയ കാർഡിനായി അപേക്ഷിക്കാം. ഇതിനായി കസ്റ്റമർ കെയറിൽ വിളിക്കുകയോ, നെറ്റ് ബാങ്കിംഗ്/മൊബൈൽ ആപ്പ് വഴി അപേക്ഷ സമർപ്പിക്കുകയോ ചെയ്യാം. ബാങ്ക് ശാഖയിൽ നേരിട്ടെത്തി അപേക്ഷിക്കുമ്പോൾ ആധാർ കാർഡ്, പാൻ കാർഡ് അല്ലെങ്കിൽ പാസ്പോർട്ട് തുടങ്ങിയ തിരിച്ചറിയൽ രേഖകളും വിലാസം തെളിയിക്കുന്ന രേഖയും കൈവശം വെക്കുന്നത് നടപടികൾ വേഗത്തിലാക്കാൻ സഹായിക്കും. സമയബന്ധിതമായ ഇത്തരം നടപടികളിലൂടെ നിങ്ങളുടെ അക്കൗണ്ടിലെ പണം സുരക്ഷിതമായി സംരക്ഷിക്കാൻ സാധിക്കുംThe post എടിഎം കാർഡ് നഷ്ടമായോ ? മിനിറ്റുകൾക്കുള്ളിൽ ബ്ലോക്ക് ചെയ്യാനുള്ള വഴികൾ ഇതാ! appeared first on Kairali News | Kairali News Live.