വരാനിരിക്കുന്ന നിയമസഭാ തിരഞ്ഞെടുപ്പിൽ ഇടതുമുന്നണിയെ മുഖ്യമന്ത്രി Pinarayi Vijayan തന്നെ നയിക്കുമെന്ന് എം എ ബേബി അറിയിച്ചു. ഡൽഹിയിൽ ചേർന്ന പൊളിറ്റ് ബ്യൂറോ യോഗത്തിന് പിന്നാലെയാണ് അദ്ദേഹം ഇക്കാര്യം ഔദ്യോഗികമായി പ്രഖ്യാപിച്ചത്.പിണറായി വിജയൻ വീണ്ടും തിരഞ്ഞെടുപ്പിൽ മത്സരിക്കുമോ എന്ന കാര്യത്തിൽ നാലോ അഞ്ചോ ദിവസത്തിനകം അന്തിമ തീരുമാനം ഉണ്ടാകുമെന്നും അദ്ദേഹം വ്യക്തമാക്കി. സംസ്ഥാനത്ത് ഭരണത്തുടർച്ച ഉറപ്പാക്കാൻ അദ്ദേഹത്തിന്റെ നേതൃത്വമാണ് അനിവാര്യമെന്ന കേരള ഘടകത്തിന്റെ നിലപാട് പൊളിറ്റ് ബ്യൂറോ അംഗീകരിച്ചതായും എം.എ. ബേബി കൂട്ടിച്ചേർത്തു.സ്ഥാനാർത്ഥി നിർണ്ണയത്തിൽ യുവാക്കളും സ്ത്രീകളും ഉൾപ്പെടെ കൂടുതൽ പ്രാതിനിധ്യം ഉറപ്പാക്കുമെന്ന് അദ്ദേഹം പറഞ്ഞു. വിജയസാധ്യതയെ പ്രധാന മാനദണ്ഡമായി കണക്കാക്കി ജില്ലാ കമ്മിറ്റികളുടെ ശുപാർശകൾ അടിസ്ഥാനമാക്കിയാകും അന്തിമ പട്ടിക തയ്യാറാക്കുക.ഒരേ വ്യക്തികൾ സ്ഥിരമായി മത്സരിക്കുന്ന രീതിയില്ലെങ്കിലും, പ്രത്യേക രാഷ്ട്രീയ സാഹചര്യങ്ങളിൽ ചിലർക്കു ഇളവ് നൽകേണ്ടിവരുമെന്ന സൂചനയും നൽകി. മാർച്ച് ആദ്യവാരത്തോടെ എൽ.ഡി.എഫിന്റെ സമ്പൂർണ സ്ഥാനാർത്ഥി പട്ടിക പുറത്തിറങ്ങുമെന്നാണ് പ്രതീക്ഷ.The post തിരഞ്ഞെടുപ്പിൽ ഇടതുമുന്നണിയെ മുഖ്യമന്ത്രി പിണറായി വിജയൻ തന്നെ നയിക്കും: എംഎ ബേബി appeared first on ഇവാർത്ത | Evartha.