اوٹاوا: کینیڈا کی وزیر خارجہ انیتا آنند نے مشرقِ وسطیٰ میں سکیورٹی کی بگڑتی ہوئی صورتحال کے پیشِ نظر کینیڈین شہریوں کو فوری احتیاطی تدابیر اختیار کرنے اور بعض ممالک سے نکلنے کی ہدایت کی ہے۔غیر ملکی ذرائع ابلاغ کے مطابق مشرقِ وسطیٰ میں سکیورٹی صورتحال غیر مستحکم اور غیر متوقع ہے، اس لیے کینیڈین شہری چوکس رہیں، مقامی اور بین الاقوامی میڈیا پر نظر رکھیں اور مقامی حکام کی ہدایات پر عمل کریں، جن میں ضرورت پڑنے پر گھروں میں رہنے کے احکامات بھی شامل ہیں۔بیان میں کہا گیا ہے کہ لبنان،فلسطین اور اسرائیل میں موجود کینیڈین شہریوں کو مشورہ دیا گیا ہے کہ جب تک تجارتی پروازوں کے ذریعے روانگی ممکن ہے وہاں سے نکلنے پر غور کریں۔جبکہ ایران میں مقیم کینیڈین شہریوں کو زیادہ سخت ہدایت جاری کی گئی ہے کہ اگر وہ محفوظ طریقے سے جا سکتے ہیں تو فوری طور پر ملک چھوڑ دیں۔iran israel war تمام خبریںبیان میں کہا گیا ہے کہ ایران میں کینیڈا کا کوئی سفارتی مشن موجود نہیں، جس کے باعث خاص طور پر کسی فعال تنازع کے دوران قونصلر خدمات فراہم کرنے کی صلاحیت انتہائی محدود ہے۔