ന്യൂഡൽഹി: ഗൾഫ് മേഖലയിലെ നിലവിലെ സംഘർഷാവസ്ഥ കണക്കിലെടുത്ത് എയർ ഇന്ത്യ എക്സ്പ്രസ് പടിഞ്ഞാറോട്ടുള്ള (Westbound) തങ്ങളുടെ എല്ലാ അന്താരാഷ്ട്ര വിമാന സർവീസുകളും താൽക്കാലികമായി നിർത്തിവെച്ചു. യാത്രക്കാരുടെയും ജീവനക്കാരുടെയും സുരക്ഷയ്ക്കാണ് പ്രഥമ പരിഗണന നൽകുന്നതെന്ന് എയർലൈൻ വക്താവ് ഔദ്യോഗിക പ്രസ്താവനയിൽ വ്യക്തമാക്കി.മേഖലയിലെ സ്ഥിതിഗതികൾ സൂക്ഷ്മമായി നിരീക്ഷിച്ചുവരികയാണെന്നും, സാഹചര്യം വിലയിരുത്തിയ ശേഷം സർവീസുകൾ പുനരാരംഭിക്കുന്നത് സംബന്ധിച്ച് തീരുമാനമെടുക്കുമെന്നും അധികൃതർ അറിയിച്ചു. സർവീസ് തടസ്സപ്പെട്ട യാത്രക്കാർക്ക് ആവശ്യമായ എല്ലാ പിന്തുണയും സഹായവും കമ്പനി ഉറപ്പാക്കുന്നുണ്ട്.യാത്രക്കാർക്കുള്ള നിർദ്ദേശങ്ങൾ:വിവരങ്ങൾ അറിയാൻ: റദ്ദാക്കിയ വിമാനങ്ങളിലെ യാത്രക്കാർക്ക് നേരിട്ട് വിവരങ്ങൾ കൈമാറുന്നുണ്ട്.സ്റ്റാറ്റസ് പരിശോധിക്കുക: യാത്രക്കാർ airindiaexpress.com എന്ന വെബ്സൈറ്റിൽ തങ്ങളുടെ വിമാനത്തിന്റെ സ്റ്റാറ്റസ് പരിശോധിക്കേണ്ടതാണ്. കൂടാതെ ബന്ധപ്പെടാനുള്ള വിവരങ്ങൾ (Contact details) അപ്ഡേറ്റ് ചെയ്തിട്ടുണ്ടെന്നും ഉറപ്പുവരുത്തുക.ടിക്കറ്റ് റദ്ദാക്കൽ/മാറ്റൽ: ടിക്കറ്റ് മാറ്റുന്നതിനോ റദ്ദാക്കുന്നതിനോ വെബ്സൈറ്റിലെ ‘Manage Booking’ സന്ദർശിക്കാവുന്നതാണ്. വാട്സാപ്പിൽ +91 6360012345 എന്ന നമ്പറിൽ ‘Chat with Tia’ വഴിയും സഹായം തേടാം.ഈ അടിയന്തര സാഹചര്യത്തിൽ യാത്രക്കാർ കാണിക്കുന്ന സഹകരണത്തിന് കമ്പനി നന്ദി രേഖപ്പെടുത്തി.The post ഗൾഫ് സംഘർഷം: പടിഞ്ഞാറോട്ടുള്ള എല്ലാ സർവീസുകളും നിർത്തിവെച്ച് എയർ ഇന്ത്യ എക്സ്പ്രസ് appeared first on Bahrain Vartha ബഹ്റൈൻ വാർത്ത.