బిగ్‌బాస్‌ హౌస్‌లో ఉన్నప్పుడు మానస్ నాగులపల్లి వెనుక ప్రియాంక సింగ్ ఎంతలా తిరిగిందో తెలిసిందే. నిజానికి చాలా సార్లు మానస్‌కి ప్రపోజ్ కూడా చేసింది. కానీ మానస్ మాత్రం పింకీ తనకి ఒక ఫ్రెండ్ మాత్రమేనని క్లారిటీ ఇచ్చాడు. తర్వాత మానస్‌కి పెళ్లయి బిడ్డ కూడా పుట్టేశాడు. ఇప్పుడు చాన్నాళ్ల తర్వాత మళ్లీ మానస్-పింకీ బీబీ జోడీ 2లో సందడి చేస్తున్నారు. లేటెస్ట్ ఎపిసోడ్‌లో వీళ్లిద్దరినీ యాంకర్ ప్రదీప్ ఆటపట్టించాడు.పింకీ ఫేస్ వెలిగిపోతుందిప్రోమో స్టార్టింగ్‌లో జోడీలన్నీ తమ పార్టనర్‌తో కాకుండా వేరేవాళ్లతో కలిసి ఎంట్రీ ఇచ్చారు. దీంతో కాదు ఇదేమైనా ఉల్టా పల్టా రౌండా ఏంటి.. అని శేఖర్ మాస్టర్ అడిగారు. పింకీ.. మానస్‌తో కలిసి వచ్చింది. దీంతో ఈ స్టేజ్ మీద అందరికంటే మోస్ట్ హ్యాపీయెస్ట్ పర్సన్ పింకీ.. అసలు ఆ ముఖం వెలిగిపోతుంది అసలు ఆ కాంబినేషన్‌లో.. అంటూ ప్రదీప్ ఆటపట్టించాడు. సార్ మీరు చెప్పలేదా కాన్సెప్ట్ స్వాప్ అని.. అంటూ మానస్ అన్నాడు. మేము ఎవరు సార్ చెప్పడానికి.. అసలు ఆ ఐడియా ఇచ్చిందే పింకీ అంట.. అని ధన్‌రాజ్-ప్రదీప్ ఇరికించారు. దీంతో పింకీ వామ్మో నాకేం సంబంధం లేదని సిగ్గుపడింది. రోజూ ఇలా ప్లాన్ చేయొచ్చు కదా.. ఎందుకు రోజూ ఆ (మణికంఠ) బోరింగ్ ఫేస్‌తో కలిసి డ్యాన్స్ చేయిస్తారని పింకీ పంచ్ వేసింది. పింకీ మీరిద్దరూ అక్కడి నుంచి వచ్చింది.. పెర్ఫామెన్స్‌గా చేసుంటే కనుక నేను 10 ఇచ్చేసుండేవాడ్ని.. అని ధన్‌రాజ్ అన్నాడు. దీంతో అన్నా నీ మార్కులకి జడ్జిమెంట్‌కి ఒక దండమన్నా.. అంటూ మానస్ అన్నాడు.బ్రేక్ డ్యాన్స్ అదిరింది ఈ ఎపిసోడ్‌లో శ్రష్టి వర్మ- మానస్ బ్రేక్ డ్యాన్స్ చేసి ఫిదా చేశారు. హిట్లర్ సినిమాలోని హబీబీ పాటకి వీళ్లు వేసిన స్టెప్పులు అదిరిపోయాయి. దీంతో కాలర్ ఎత్తి మరీ శేఖర్ మాస్టర్ సూపర్ అంటూ మెచ్చుకున్నారు. నిజంగా ఇంటికెళ్లి దిష్టి తీయించుకోండి ఇద్దరూ.. అన్నారు.మానస్-శ్రష్టి వావ్.. ఎంత బాగా చేశారో తెలుసా మీరు.. అని సదా మెచ్చుకున్నారు. లైఫ్‌లో ఒక్కసారైనా ఇలాంటి పెర్ఫామెన్స్ చేయాలనుంది మణితో కాకుండా వేరే వాళ్లతో.. అంటూ మళ్లీ పింకీ పరువు తీసింది. నిజంగా శ్రష్టి హ్యాట్సాఫ్ అసలు.. ఒక్కసారైనా నీలా డ్యాన్స్ చేయాలి జీవితంలో.. అని భాను చెప్పింది. అది అవదమ్మా.. అంటూ శేఖర్ సెటైర్ వేశారు. సెమీస్‌లో చూపిస్తా.. మీతో వావ్ అని కాలర్ లేపేలా చేస్తా.. అని భాను సరదాగా సవాల్ చేసింది.