യുണൈറ്റഡ് നാഷൻസ് | മിഡിൽ ഈസ്റ്റ് മേഖലയിൽ യുദ്ധം ആളിപ്പടരുന്ന പശ്ചാത്തലത്തിൽ ഐക്യരാഷ്ട്രസഭ രക്ഷാസമിതി അടിയന്തര യോഗം ചേർന്നു. ഇന്ത്യൻ സമയം ഞായറാഴ്ച പുലർച്ച നാലരയോടെ അവസാനിച്ച യോഗം ഏകദേശം രണ്ട് മണിക്കൂർ നീണ്ടുനിന്നു. യു എൻ സെക്രട്ടറി ജനറൽ അന്റോണിയോ ഗുട്ടെറസ്, 15 രക്ഷാസമിതി അംഗങ്ങൾ, ഇറാൻ, ഇസ്റാഈൽ പ്രതിനിധികൾ എന്നിവർ യോഗത്തിൽ തങ്ങളുടെ നിലപാടുകൾ വ്യക്തമാക്കി.ഇറാനെതിരെ അമേരിക്കയും ഇസ്റാഈലും നടത്തിയ സൈനിക നീക്കത്തെ ‘നഗ്നമായ അധിനിവേശം’ എന്ന് വിശേഷിപ്പിച്ച ഗുട്ടെറസ്, ഇത് ഐക്യരാഷ്ട്രസഭയുടെ ചാർട്ടറിന്റെ ലംഘനമാണെന്ന് കുറ്റപ്പെടുത്തി. എന്നാൽ, ഇതിന് മറുപടിയായി ഇറാൻ നടത്തുന്ന പ്രത്യാക്രമണങ്ങളെയും അദ്ദേഹം അപലപിച്ചു. നിലവിലെ സാഹചര്യം നിയന്ത്രണാതീതമായി മാറിയേക്കാവുന്ന വലിയൊരു യുദ്ധത്തിലേക്ക് നയിക്കുമെന്ന് അദ്ദേഹം മുന്നറിയിപ്പ് നൽകി.അമേരിക്കയുമായി നയതന്ത്ര ചർച്ചകൾ പുരോഗമിക്കുന്നതിനിടെയാണ് ഈ ആക്രമണം ഉണ്ടായതെന്ന് ഇറാൻ അംബാസഡർ ചൂണ്ടിക്കാട്ടി. എന്നാൽ, ചർച്ചകൾ അതിന്റെ അവസാന ഘട്ടത്തിൽ എത്തിയിരുന്നുവെന്നും ഇനി ചർച്ചകൾക്ക് പ്രസക്തിയില്ലെന്നുമാണ് അമേരിക്കൻ, ഇസ്റാഈൽ പ്രതിനിധികൾ മറുപടി നൽകിയത്. നയതന്ത്ര ചർച്ചകൾ വഴിമുട്ടിയതും സൈനിക നടപടികൾ തുടരുന്നതും രക്ഷാസമിതിയിൽ വലിയ ഭിന്നതയ്ക്ക് കാരണമായിട്ടുണ്ട്. SummaryThe UN Security Council held an emergency session to address the escalating conflict, where Secretary General Antonio Guterres condemned the US-Israel strikes as a “blatant act of aggression” and a violation of the UN Charter. While Guterres also called for an end to Iran’s retaliatory attacks, the meeting highlighted a deep diplomatic divide, with the US and Israel declaring nuclear talks over while Iran criticized the strikes for occurring mid-negotiation. The session concluded with grave warnings that the ongoing military escalation could soon spiral out of control.