: భారతదేశ దిగ్గజ పారిశ్రామిక వేత్తల్లో ఒకరైన రిలయన్స్ అనిల్ ధీరూబాయి అంబానీ గ్రూప్ అధినేత అనిల్ అంబానీని చిక్కులు వీడట్లేదు. రూ. 40 వేల కోట్ల బ్యాంకింగ్, కార్పొరేట్ మోసం కేసులో ఆయన గురువారం రోజు.. ఎన్‌ఫోర్స్‌మెంట్ డైరెక్టరేట్ ఎదుట విచారణకు హాజరయ్యారు. ఈ మనీలాండరింగ్ కేసు ఎప్పటి నుంచో నడుస్తోంది. అనిల్ అంబానీకి చెందిన పలు కంపెనీలు.. బ్యాంకుల నుంచి వేల కోట్ల మేర రుణాల్ని తీసుకొని.. దీనిని దుర్వినియోగం చేసినట్లు ఈడీ కేసు నమోదు చేసింది. ఇక్కడ అక్రమంగా ఇతర షెల్ కంపెనీలకు నిధుల్ని తరలించారని ఆరోపణలు ఉన్నాయి. వీటి విలువ రూ. 40 వేల కోట్లకుపైగానే ఉందని పేర్కొంది. అనిల్ అంబానీ సహా ఆయన కుమారుడు, రిలయన్స్ గ్రూప్ కంపెనీలపైనా కేసు నమోదైంది. గతంలో కూడా ఇదే కేసులో అనిల్ అంబానీ సహా గ్రూప్ అధికారులు ఈడీ ఎదుట విచారణకు హాజరయ్యారు.>> ఫిబ్రవరి 26న విచారణకు హాజరు కావాలని ఇటీవల ఈడీ.. ఆయనకు సమన్లు జారీ చేసిన నేపథ్యంలో గురువారం ఉదయం 10.30 గంటలకు సెంట్రల్ ఢిల్లీలోని ఈడీ కార్యాలయానికి వెళ్లారు. ఇప్పటికే ఈ మనీలాండరింగ్ కేసులో అనిల్ అంబానీకి చెందిన వేల కోట్ల విలువైన ఆస్తుల్ని అటాచ్ చేసిన ఈడీ.. . దీని విలువే సుమారు రూ. 3,716 కోట్లుగా ఉంటుందని అంచనా. దీంతో మొత్తం అటాచ్ చేసిన ఆస్తుల విలువ రూ. 15 వేల కోట్లకుపైగా చేరింది. తాజా పరిణామాల నేపథ్యంలో గురువారం సెషన్‌లో అనిల్ అంబానీ రిలయన్స్ గ్రూప్‌కు చెందిన రిలయన్స్ పవర్, రిలయన్స్ ఇన్‌ఫ్రా స్టాక్స్ ఆల్ టైమ్ కనిష్ఠ స్థాయిలకు పడిపోయాయి. కిందటి రోజు రూ. 25.54 వద్ద ముగిసిన రిలయన్స్ పవర్ షేర్ ధర ఇవాళ దాదాపు 2 శాతం వరకు పతనంతో రూ. 25.16 వద్ద ఓపెన్ అయింది. ఇంట్రాడేలో మరింత పతనమై రూ. 24.90 వద్ద కనిష్ఠాన్ని తాకింది. ఇదే ఈ స్టాక్ 52 వారాల కనిష్ఠ ధర. కంపెనీ మార్కెట్ విలువ ప్రస్తుతం రూ. 10.38 వేల కోట్లుగా ఉంది. . రిలయన్స్ ఇన్‌ఫ్రాస్ట్రక్చర్ లిమిటెడ్ స్టాక్ ధర కూడా ఇంట్రాడేలో సుమారు 5 శాతం వరకు పతనంతో రూ. 92.75 వద్ద కనిష్ఠాన్ని నమోదు చేసింది. ఇదే ఈ స్టాక్ ఆల్ టైమ్ కనిష్ఠ స్థాయి. ఈ స్టాక్ 52 వారాల గరిష్ఠ ధర రూ. 423.40 గా ఉండగా.. అక్కడి నుంచి సుమారు 75 శాతం వరకు కుదేలైంది. ఈ కంపెనీ మార్కెట్ విలువ ప్రస్తుతం రూ. 3.92 వేల కోట్లుగా ఉంది. ఈ భారీ స్థాయిలో పతనం అవుతుండటంతో ఇన్వెస్టర్లకు భారీ నష్టాలు వస్తున్నాయని చెప్పొచ్చు.