അമേരിക്ക ഇസ്രാഈല് സംയുക്ത ആക്രമണത്തിലാണ് ഇറാന് പരമോന്നത നേതാവ് ആയത്തുള്ള അലി ഖംനാഈ കൊല്ലപ്പെട്ടത്.ഇസ്രാഈല് രഹസ്യാന്വേഷണ വിഭാഗം അദ്ദേഹത്തിന്റെ നീക്കങ്ങള് നിരീക്ഷിച്ചു വരികയായിരുന്നു.ആക്രമണം നടത്താന് ഇസ്രാഈല് അമേരിക്കയില് സമ്മര്ദം ചെലുത്തി. മകള്, മരുമകന്, പേരക്കുട്ടി, മരുമകള് എന്നിവരും ആക്രമണത്തില് കൊല്ലപ്പെട്ടു. ഇറാനിയന് അധികൃതര് 40 ദിവസത്തെ പൊതു ദുഃഖാചരണവും ഏഴ് ദിവസത്തെ രാജ്യവ്യാപക അവധിയും പ്രഖ്യാപിച്ചിട്ടുണ്ട് .1989-ല് റൂഹുള്ള ഖുമൈനിയില് നിന്ന് പദവി ഏറ്റെടുത്ത ശേഷം ഖംനാഈയാണ് ഇറാനെ നയിച്ചത്.ഇറാനില് ഒരു യുഗത്തിന്റെ അവസാനമായാണ് ഖംനാഈയുടെ രക്തസാക്ഷിത്വത്തെ പലരും കണക്കാക്കുന്നതെങ്കിലും തുടര്ച്ച എഴുതിത്തള്ളാന് പറ്റില്ല . റെവല്യൂഷണറി ഗാര്ഡിനെ നിയന്ത്രിച്ചിരുന്നത് അദ്ദേഹമായിരുന്നു.അത് മകന് മുജ്തബ ഖാംനഈയുടെ കൈകളിലെത്തുമെന്നാണ് കരുതുന്നത് . ഇറാന്-ഇറാഖ് യുദ്ധത്തിന്റെ അനന്തരഫലങ്ങള്, ആവര്ത്തിച്ചുള്ള ആഭ്യന്തര പ്രതിഷേധ തരംഗങ്ങള്, പ്രാദേശിക സേനകളുടെ ഉയര്ച്ചയും തകര്ച്ചയും, പടിഞ്ഞാറുമായുള്ള ദീര്ഘകാല ആണവ സംഘര്ഷം എന്നിവ അദ്ദേഹത്തിനു നേരിടേണ്ടി വന്നു.1939 ഏപ്രില് 19ന് ഇറാനിലെ മശദിലാണ് ജനനം .ആഴത്തില് ശിയാ പുണ്യനഗരങ്ങളിലൊന്നാണിത് . അദ്ദേഹത്തിന്റെ പിതാവ് പുരോഹിതനായിരുന്നു.1979ല് വിപ്ലവകാരിയില് നിന്ന് ആധുനിക ഇറാനിയന് ചരിത്രത്തിലെ ഏറ്റവും ശക്തനായ വ്യക്തിയായി ഉയര്ന്നുവന്നു.1979-ന് മുമ്പ് മത വിദ്യാര്ത്ഥിയും ഷാ വിരുദ്ധ പ്രവര്ത്തകനുമായിരുന്നു .1981-1989 ഇറാഖ് യുദ്ധത്തിനും ആദ്യകാല റിപ്പബ്ലിക് ഏകീകരണത്തിനും ഇടയില് ഇറാന്റെ പ്രസിഡന്റായിരുന്നു .ചെറുപ്പം മുതല് തന്നെ അദ്ദേഹം ഇസ്ലാമിക പഠനം ആരംഭിച്ചു.ഒടുവില് ശിയ പണ്ഡിതരുടെ കേന്ദ്രമായ ഖോമിലേക്കു താമസം മാറി. അവിടെ അദ്ദേഹം ഷാ വിരുദ്ധ പ്രസ്ഥാനത്തിന്റെ ആത്മീയ നേതാവായ ആയത്തുള്ള റുഹുള്ള ഖുമൈനിയുടെ വിദ്യാര്ത്ഥിയും അടുത്ത സഹകാരിയുമായി.1960 കളിലും 1970 കളിലും, ഷാ വിരുദ്ധ രാഷ്ട്രീയ പ്രവര്ത്തനങ്ങളില് ഏര്പ്പെട്ടിരുന്ന ഖുമൈനി , ഷായുടെ രഹസ്യ പോലീസിനാല് (സവക് ) ആവര്ത്തിച്ച് വേട്ടയാടപ്പെട്ടു. തടവും നാടുകടത്തലും നേരിട്ടു. ഈ കാലയളവില് ഖംനാഈ വിപ്ലവകരമായ യോഗ്യതകള് ഉറപ്പിച്ചു.ഷായുടെ ഭരണം തകര്ന്നപ്പോള് പ്രതിഷേധങ്ങള് സംഘടിപ്പിക്കുന്നതിലും ഖുമൈനിയുടെ പ്രത്യയശാസ്ത്രം പ്രചരിപ്പിക്കുന്നതിലും സജീവ പങ്കുവഹിച്ചു. പുതിയ ഇസ്ലാമിക് റിപ്പബ്ലിക്കിനെ രൂപപ്പെടുത്തിയ വിപ്ലവ കൗണ്സിലില് അദ്ദേഹം അംഗമായി.ഭരണകൂടത്തില് പൗരോഹിത്യ അധികാരം കേന്ദ്രീകരിച്ചു . ഇറാന്റെ ആഭ്യന്തര,പ്രാദേശിക തന്ത്രങ്ങള് രൂപപ്പെടുത്തി .ഖുമൈനിയുടെവിജയത്തിനുശേഷം ഇടക്കാലത്ത് ,സഹ പ്രതിരോധ മന്ത്രിയായിരുന്നു .ഇക്കാലത്തു ടെഹ്റാനില് ഖുതുബയ്ക്കു നേതൃത്വം നല്കുക വഴി സ്വാധീനമുള്ള സ്ഥാനങ്ങള് അദ്ദേഹത്തിന് പെട്ടെന്ന് ലഭിച്ചു.അദ്ദേഹത്തെ വധിക്കാന് ഇസ്രാഈല് പല തവണ ശ്രമിച്ചിരുന്നു.ഒരു ആക്രമണത്തില് കൈക്ക് സാരമായി പരിക്കേറ്റിരുന്നു.ടെഹ്റാനിലേക്ക് അമേരിക്കയും ഇസ്രാഈലും ഇടതടവില്ലാതെ ബോംബുകളും മിസൈലുകളും പായിക്കുന്നു.നേതൃനിരയിലെ പലരും കൊല്ലപ്പെട്ടിരിക്കാം.എന്നാലും വലിയൊരു വിഭാഗം ജനങ്ങള് തെരുവില് ഇറങ്ങിയിട്ടുണ്ട് .ആശയക്കുഴപ്പം ശക്തമാണ് .