تہران (یکم مارچ 2026): ایران کے سپریم لیڈر آیت اللہ علی خامنہ ای کی شہادت کی اطلاع دیتے ہوئے سرکاری ٹی وی پر اینکر رو پڑے۔امریکا اور اسرائیل کے مشترکہ حملے میں ایران نے سپریم لیڈر آیت اللہ علی خامنہ ای کی شہادت کی تصدیق کر دی ہے۔ اس افسوسناک واقعہ کی تصدیق ایران کے سرکاری میڈیا کے ذریعہ دی گئی۔تاہم جب اینکر آیت اللہ خامنہ ای کی موت کی اطلاع کی تصدیق کر رہے تھے تو خبر پڑھتے ہوئے وہ جذبات پر قابو نہ رکھ سکے اور لائیو ٹرانسمیشن میں رو پڑے۔انہوں نے شدید کرب اور دکھ کی حالت میں ایران کی عوام اور دنیا کو سپریم لیڈر کی شہادت کی اطلاع دی۔واضح رہے کہ امریکا اور اسرائیلی حملے میں ایرانی سپریم لیڈر آیت اللہ خامنہ ای، ان کے بیٹی، داماد، بہو اور نواسی جب کہ آرمی چیف، پاسداران انقلاب کے چیف اور سپریم لیڈر کے مشیر بھی شہید ہو چکے ہیں۔ اس کے علاوہ حملوں میں 200 سے زائد ایرانی شہریوں کی جان بھی گئی ہے اور 700 سے زائد زخمی ہیں۔ایران سرائیل اور امریکا جنگ سے متعلق تمام خبریں جاننے کے لیے کلک کریںدوسری جانب سپریم لیڈر کی شہادت پر ملک بھر میں 7 روزہ تعطیل اور 40 روزہ سوگ کا اعلان کیا گیا ہے جب کہ فوج نے اسرائیل اور امریکا کو سخت وارننگ دیتے ہوئے آیت اللہ خامنہ ای کے قتل کا بدلہ لینے کا بھی اعلان کیا ہے۔